السلام عليكم ورحمة الله وبركاته

اما بعد

اول موضوع لي بهالقسم واول مره اكتب لكم ما يدور بمخيلتي >>> استريخ يا مخيله
ولاني اكتشفت اشياء فى عقول بعض العرب فيها فتق بمخها


في يوم من الايام كنا مجتمعين مجموعه من الشباب الحلوين

الموهم كان عددنا اكثر من 5 اشخاص وكلهم شباب من دون بنات

الموهم جت الساعه 10 بالليل
كنا نلعب بلايستيشن ومتحمسين مع المباره
الا شوي ينقزون كل العيال فى وجه العدو
ويقولون يالله طفو السوني وخلونا نتفرج على المسلسل ....!!!

انا صار وجهي مثل هيك >>>>

قلت وش السالفه ؟؟

الا العيال حط المسلسل بسرعه وكلن جلس قدام الشاشه وتسمر

الى الحين وانا في حالة استغراب !!

الموهم حطينا على المسلسل <<<< من دون ذكر اسماء

وبداء المسلسل والكل ساكت
وانا بعد ساكت ومستغرب

شوي يوم ظهرة فتاه فى هذا المسلسل ..........

يوم كل واحد قام يطلع تناهيد واهات ومدري وش جاهم !! بدت القلوب تزيد في نبضها والدم بداء يمشي فى العروق بسرعة 1000 كلم فى الساعه

كل هذا على شان البنت

الي يقول شف الابتسامه والي يقول شف الشعر والي يقول شف العيون الناعسه
والثاني يقول الله على اللبس الخاقوقي

تسنهم شايفين قمر ..

اكتشفت انهم رايحين صلصه المراعي ....
واجلس اتفرج عليهم واسمع كلامهم الى ما يخش المخ ابدا ابدا ابدا

الي يقول ودي اعرس على وحدة مثلها ودي السعوديات يكونون في حسنها << ليه بناتنا ناقصهم شي ؟
وش ملحهن وش زينهم قسم انهم اطلق بمليون مره عن الى بالشاشه
ولا الي يبي يجلس معها باي طريقه لو يدفع الى وراه والي دونه
والثاني تشنج وارتفع ضغطه يوم جت الدعايه ويقوم ويطلع من المجلس على اقرب حته فاضيه ما بها ازعاج ولا حوسه على شان ينسجم مع المسلسل
ويسرح بخياله شوي مع حبيبته الى مادرت عنه ولا طقت خبر


^^^^^^^


كل هذا مقدمه للموضوع الى جاي على شانه >>> لا عمرك تكتب مقدمه

نرجع لمحور حديثنا ::

شطحه على الطاير

77777

لا تعب قلبك من الدنيا وضاق
لا تبين \ حتى لو جرحك عميق
عز نفسك حتى لو شفت الفراق
موت شامخ يارفيقي ولا تضيق


هالحين اغلب المسلسلات الخليجيه والعربيه لابد ان يكون فيها شي يعني يا بنت حلوه او بنت نافخه ريشها او بنت تطلع بشكل فاتن <<< هنا المشكله
او شاب وسيم >> مثلي يعني او شاب معضل وجسمه خقق
ولا قصة حب مثل روميو وجولييت !!

ما عمري شفت مسلسل او فلم عربي الا فيه وحده مزيونه ولا فيه واحد وسيم

وكل يوم اسال نفسي

ليه بيعملو هيك ؟؟

لما الاعلام يتكلم عن مسلسل هادف
او شي يطري على باله من الى يمثل فيه ومن فيه من ممثلين ؟؟
ما يفكر بقصة المسلسل او فكرته او الهدف منه
الى هذه الدرجه وصل تفكير البعض منا لهذا المستوى المتدني

والله شي يبكي وتدمع له العين على هذا المنظر لبعض شبابنا


يعني الناس ما تشوف مسلسل الا لازم هذا الشي موجود ؟

بنت حلوه وفاتنه ولا شاب وسيم وخقق وكل البنات يروحون ملح معه


لا والف لا

((الفن رساله في يد كل فنان وكاتب ومخرج ))

.....................

س\ هل البنت اصبحة سلعه تباع وتشترى في مجال الفن ؟؟
س\ المفترض ان نهتم لمثل هالامور ام لا نهتم ؟
س\ اذا المسلسل لم يكون به فتاه او شاب جذاب لا اتابعه ؟
الى متى راح يستمر هذا الوضع ؟


انشاء الله اني ما طولت عليكم
واتمنى اني وصلت الى في بالي وما بداخل قلبي لكم
وفي الختام
اهم شي ان ما طولت عليكم وعورت روسكم

اتمنى التفاعل والردود الزينه والى تبيض الوجه

تحياتي لكم من خلف الشاشه

gareb al-dar

وان تقابلنا ما نعرف بعض
بس قلبي وقلبها ويٌا بعض
سولفي له وش حصل
في غيبتك ما له أمل
مل من شكل الطريق
كل خطوه فيها شي من السكون
والتفاته ونظره تسأل من اكون؟
يا معلمها تكلم ليه من قلبي اتألم
ليه ضاع الصوت في زحمة طريق

كنت اتبع كل خطواتي لها
وانتهي دوائر امشي حولها
لين غابو الناس والنور انطفى
وتكة الساعه بها صوت اختفى
وباقي على جمب الطريق
آهـ لو تستفيق يا قلبي مو هذا الطريق
تتبع ضنون تتبع جنون
تتبع نهايات الطريق .."